迈腾小说

【第二章·裂缝之中】（第2页）

地铁车厢入面，唐诺倚住车门，

望住对面玻璃映住自己个样。

眼神空空，眉头微皱。

耳机冇播歌，只系塞住耳仔，隔绝外界。

人群喺身边移动，车开又停。

佢完全冇留意广播讲咗乜，

只系一直喺心入面问：

「如果琴晚系梦……点解我咁记得？」

「如果唔系梦……点解而家咩都唔见咗？」

心好似俾人用线拽住咁，

拉唔断，摆唔脱。

图书馆，仍然系一样嘅宁静。

唐诺换证、行楼梯、推门入修复室，一切照常。

手指重复住昨日嘅动作，拎书、整理、拆封。

表面冷静，内里却唔安宁。

嗰本书，仲摆喺书堆上。

唔系最上面，但佢一眼就认得出嚟。

唐诺拉咗张櫈，坐低，伸手将书ch0u出嚟。

封面图腾依旧模糊，手感依旧粗糙。

佢迟疑咗几秒，打开书页。

嗰一页，依然系空白。

但今次，佢冇即刻翻过。

而系盯住佢——好耐。

睇到後尾，

佢忽然有种错觉：

张纸，好似……喺呼x1。

唔系真系郁，

而系有一种奇异节奏，好似纸面每隔几秒就会轻微鼓起一下，

就好似藏住某种气息，

正等待从页面底下醒嚟。